അഴിയൂരിൽ ക്ഷേത്രദർശനത്തിന് പോവുകയായിരുന്ന സ്ത്രീയുടെ സ്വർണ്ണമാല തട്ടിപറിച്ചു.വീട്ടിൽ നിന്നും ക്ഷേത്രത്തിലേക്ക് പോകുകയായിരുന്ന അഴിയൂർ ഹൈസ്‌കൂളിന് സമീപത്തെ ടി കെ ചന്ദ്രിയുടെ നാലേ മുക്കാൽ പവൻ തൂക്കം വരുന്ന സ്വർണ്ണമാലയാണ് മോഷ്ടാവ് തട്ടിപ്പറിച്ചെടുത്തത്.
ഇന്ന് പുലർച്ചെ 5:00 മണിയോടെ അഴിയൂരിലായിരുന്നു സംഭവം.മാല തട്ടിപ്പറിക്കുന്നതിനിടെ നിലത്ത് വീണ ചന്ദ്രിയുടെ കാൽമുട്ടിനു പരിക്കേറ്റു. നടന്നു വന്ന മോഷ്ടാവ് മാലതട്ടിപ്പറിച്ചു ഓടി രക്ഷപ്പെട്ടു
മാഹി ആശുപത്രിയിൽ ചികിത്സ തേടി. ചോമ്പാല പോലീസ് സ്ഥലത്തെത്തി അന്വേഷണം ആരംഭിച്ചു
