പുതുച്ചേരി: സ്പെഷ്യൽ ഇൻടൻസീവ് റിവിഷൻ (SIR-2026) നടപടികൾക്ക് ശേഷം വോട്ടർപട്ടികയിൽ ഉൾപ്പെടാതെ പോയ അർഹരായവരെ ഉൾപ്പെടുത്തുന്നതിനായി പുതുച്ചേരിയിൽ പ്രത്യേക എൻറോൾമെന്റ് നടപടികൾ ആരംഭിച്ചു. ഇതിന്റെ ഭാഗമായി ബൂത്ത് ലെവൽ ഓഫീസർമാർ (BLO) തയാറാക്കിയ ആബ്‌സെന്റ്/ഷിഫ്റ്റഡ്/ഡെഡ് (ASD) പട്ടിക കേന്ദ്രീകരിച്ച് വീടുതോറുമുള്ള പുനഃപരിശോധന നടത്തും.
യോഗ്യരായ യുവ വോട്ടർമാർ, ആദ്യമായി പേര് ചേർക്കുന്നവർ, മുൻപ് പട്ടികയിൽ നിന്ന് ഒഴിവാക്കപ്പെട്ടവർ എന്നിവരുടെ വിവരങ്ങൾ ബി.എൽ.ഒ.മാർ നേരിട്ടെത്തി ശേഖരിച്ച് ഫോം 6 മുഖേന രജിസ്റ്റർ ചെയ്യിക്കും. എ.എസ്.ഡി. പട്ടികയുടെ വീടുതോറുമുള്ള സന്ദർശനം ഒക്ടോബർ 17-നകം പൂർത്തിയാക്കുമെന്ന് പുതുച്ചേരി ചീഫ് ഇലക്ടറൽ ഓഫീസർ എ.എസ്.പി.എസ്. രവിപ്രകാശ് അറിയിച്ചു. വെരിഫൈ ചെയ്ത വിവരങ്ങൾ ബൂത്ത് ലെവൽ ഏജന്റുമാർക്കും രാഷ്ട്രീയ പാർട്ടി പ്രതിനിധികൾക്കും കൈമാറും.
ASD പട്ടിക പുതുച്ചേരി ചീഫ് ഇലക്ടറൽ ഓഫീസിന്റെ ഔദ്യോഗിക വെബ്‌സൈറ്റിൽ ലഭ്യമാണ്. വോട്ടർമാർ ഉദ്യോഗസ്ഥരുമായി സഹകരിക്കണമെന്ന് അധികൃതർ അഭ്യർത്ഥിച്ചു.
