മാഹി പള്ളൂർ പന്തക്കൽ പ്രദേശങ്ങളിൽ നാളെ തിങ്കളാഴ്ച വൈദ്യുതി മുടങ്ങുമെന്ന് കെഎസ്ഇബി അറിയിച്ചു. വൈദ്യുതി ശൃംഖല നവീകരിക്കുന്ന ജോലി നടക്കുന്നതിനാലാണ് പള്ളൂർ ഇലക്ട്രിസിറ്റി ഓഫീസിന്റെ പരിധിയിൽ വരുന്ന വിവിധ പ്രദേശങ്ങളിൽ വൈദ്യുതി വിതരണം തടസ്സപ്പെടുന്നത്.
നാളെ ജൂലൈ 20 തിങ്കളാഴ്ച രാവിലെ ഒൻപത് മണി മുതൽ വൈകുന്നേരം അഞ്ച് മണി വരെയാണ് വൈദ്യുതി നിയന്ത്രണം ഏർപ്പെടുത്തിയിരിക്കുന്നത്. പള്ളൂർ ഇലക്ട്രിസിറ്റി ഓഫീസിന്റെ പരിധിയിൽ വരുന്ന ഗുരുസന്നിധി, മാർവെൽ റോഡ്, മുണ്ടുകുളങ്ങര എന്നീ ഈസ്റ്റ് പള്ളൂർ പ്രദേശങ്ങളിലും എച്ച് ടി ലൈനിൽ പിഡബ്ല്യുഡി മരം മുറിച്ച് മാറ്റുന്നതിനാൽ പന്തോക്കാവ്, മൊട്ടേമ്മൽ, പനങ്ങാട്ടിൽ, മൂലക്കടവ്, കോപ്പാലം, മാക്കുനി എന്നീ പ്രദേശങ്ങളിലുമാണ് വൈദ്യുതി വിതരണം ഉണ്ടായിരിക്കാത്തത്. ഉപഭോക്താക്കൾ ആവശ്യമായ മുൻകരുതലുകൾ സ്വീകരിക്കണമെന്ന് അധികൃതർ അഭ്യർത്ഥിച്ചു.
