മുണ്ടോക്ക് ശ്രീ ഹരീശ്വര ക്ഷേത്രത്തിലെ ഉപദേവനായ ശ്രീ ഹനുമാൻ സ്വാമിയുടെ പ്രതിഷ്ഠാദിന മഹോത്സവം ജൂലൈ 15 ന് ആഘോഷിക്കും. പ്രസ്തുത ദിവസം രാവിലെ ഗണപതിഹോമം, ത്രികാല പൂജ എന്നിവയും വൈകുന്നേരം ദീപാലങ്കാരം, ഹനുമാൻ പ്രതിഷ്ഠാദിന പ്രത്യേക പൂജ, രാത്രി 7 മണിക്ക് ഭജന എന്നിവയും നടക്കുമെന്ന് ക്ഷേത്ര കമ്മിറ്റി പ്രസിഡണ്ട് കെ.പി.അശോക്, ജനറൽ സെക്രട്ടറി ഉത്തമരാജ് മാഹി എന്നിവർ അറിയിച്ചു. ജൂലൈ 17 മുതൽ കർക്കിടക മാസം മുഴുവൻ എല്ലാ ദിവസവും രാവിലെ ഗണപതി ഹോമവും വൈകുന്നേരം 7 മണിക്ക് അദ്ധ്യാത്മിക രാമായണ പാരായണവും ഉണ്ടായിരിക്കുന്നതാണ്.
