കേരള നിയമസഭ സ്പീക്കർ അഡ്വ: എ എൻ ഷംസീർ മുഖ്യ രക്ഷാധികാരിയായി മാഹി സ്പോർട്സ് ക്ലബ്ബ് സംഘടിപ്പിക്കുന്ന 42-ാമത് അഖിലേന്ത്യ സെവൻസ് ഫുട്ബോൾ ഫ്ളഡ് ലൈറ്റ് ടൂർണ്ണമെന്റ് 2026 ന്റെ സംഘാടക സമിതി ഓഫീസ് ഉദ്ഘാടനം സർക്കിൾ ഇൻസ്പെക്ടർ ഓഫ് പോലീസ് മാഹി, പി എ അനിൽ കുമാർ നിർവഹിച്ചു.
മയ്യഴിയിലെ കായിക സംസ്കാരത്തിന്നു മാഹി സ്പ്പോർട്സ് ക്ലബ്ബിൻ്റെ പങ്ക് നിസ്തുലമാണ് എന്ന് മയ്യഴി നാൽപ്പത്തി രണ്ടാമത് അഖിലേന്ത്യാ സെവൻസ് ഫുട്ബാൾ ടൂർണ്ണമെൻ്റിൻ്റെ സംഘാടക സമിതി ഓഫീസ് ഉത്ഘാടനം ചെയ്തു കൊണ്ട് മയ്യഴി സർക്കിൾ ഇൻസ്പെക്ടർ ഓഫ് പോലീസ് പി എ അനിൽകുമാർ അഭിപ്രായപ്പെട്ടു.
ബാബൂട്ടി മാഹി രചനയും സംവിധാനവും ആലാപനവും നടത്തിയ നാൽപ്പത്തി രണ്ടാമത് ടൂർണ്ണമെൻ്റ് പ്രചരണ ഗാനത്തിൻ്റെ പ്രകാശനവും ടൂർണ്ണമെൻ്റ് സഹ രക്ഷാധികാരി അഡ്വ: ടി അശോക് കുമാർ നിർവ്വഹിച്ചു.
ടൂർണ്ണമെന്റ് സഹ രക്ഷാധികാരി നൗഷാദ് കെ.പി, മുൻ ക്ലബ്ബ് പ്രസിഡൻറ് കെ പി സുനിൽകുമാർ, മുൻ ടൂർണ്ണമെൻ്റ് കമ്മറ്റി ചെയർമാൻ ജിനോസ് ബഷീർ, എസ് എം എഫ് എ ചീഫ് കോച്ച് ടി ആർ സലീം, മുൻ സന്തോഷ് ട്രോഫി ഫുട്ബോൾ താരവും മാഹി ട്രാഫിക്ക് പോലീസ് ഗ്രേഡ് എസ് ഐയു മായ ഉമേഷ് ബാബു, മീഡിയാ കോർഡിനേറ്റർ ശ്രീകുമാർ ഭാനു എന്നിവർ ആശംസാ ഭാഷണം നടത്തി.
നാൽപ്പത്തി രണ്ടാമത് ടൂർണ്ണമെൻ്റ് കമ്മറ്റി ചെയർമാൻ അനിൽ വിലങ്ങിൽ അദ്ധ്യക്ഷം വഹിച്ച ചടങ്ങിൽ ജനറൽ കൺവീനർ കെ സി നികിലേഷ് സ്വാഗതവും ടൂർണ്ണമെൻ്റ് കോർഡിനേറ്റർ അടിയേരി ജയരാജൻ നന്ദിയും പറഞ്ഞു.
