ന്യൂ മാഹി: വാഹനം മോഷ്ടിച്ച കേസിലെ പ്രതിയെ പരാതി ലഭിച്ച് 24 മണിക്കൂറിനുള്ളിൽ പിടികൂടി ന്യൂ മാഹി പോലീസ്. പ്രദേശത്തുനിന്ന് വാഹനം കാണാതായതായി ഉടമ നൽകിയ പരാതിയുടെ അടിസ്ഥാനത്തിൽ പോലീസ് നടത്തിയ ഊർജ്ജിതമായ അന്വേഷണത്തിലാണ് പ്രതി വലയിലായത്.
പരാതി ലഭിച്ച ഉടൻ തന്നെ പരിസരത്തെ സിസിടിവി ദൃശ്യങ്ങൾ കേന്ദ്രീകരിച്ചും മുൻകാല വാഹന മോഷ്ടാക്കളെ നിരീക്ഷിച്ചും പോലീസ് അന്വേഷണം നടത്തുകയായിരുന്നു. തുടർന്ന് നടത്തിയ തെരച്ചിലിലാണ് പ്രതിയെയും മോഷ്ടിച്ച വാഹനത്തെയും പോലീസ് കണ്ടെത്തിയത്.
വാഹനം വീണ്ടെടുത്ത പോലീസ് പ്രതിയുടെ അറസ്റ്റ് രേഖപ്പെടുത്തി. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. സംഭവത്തിൽ മറ്റാർക്കെങ്കിലും പങ്കുണ്ടോ എന്നതിനെക്കുറിച്ച് പോലീസ് കൂടുതൽ അന്വേഷണം നടത്തിവരികയാണ്.
