മാഹി: മുൻ പ്രധാനമന്ത്രി ഇന്ദിരാഗാന്ധിയുടെ 42-ാം രക്തസാക്ഷിത്വ ദിനത്തോടനുബന്ധിച്ച് മാഹിയിൽ കോൺഗ്രസ് പ്രവർത്തകരുടെ നേതൃത്വത്തിൽ പ്രഭാതഭേരി, പുഷ്പാർച്ചന, അനുസ്മരണ സമ്മേളനം എന്നിവ സംഘടിപ്പിച്ചു.
അനുസ്മരണ സമ്മേളനം ബ്ലോക്ക് കോൺഗ്രസ് സെക്രട്ടറി അജയൻ പൂഴിയിലിന്റെ അധ്യക്ഷതയിൽ മുനിസിപ്പൽ മുൻ വൈസ് ചെയർമാൻ പി.പി. വിനോദൻ ഉദ്ഘാടനം ചെയ്തു. വാർഡ് പ്രസിഡന്റ് കെ.എം. രവീന്ദ്രൻ സ്വാഗതവും കെ.എം. പവിത്രൻ നന്ദിയും പറഞ്ഞു.
ജിജേഷ് ചാമേരി, മുഹമ്മദ് സർഫാസ്, അൻസിൽ അരവിന്ദ്, കെ. രവീന്ദ്രൻ, സീന രവീന്ദ്രൻ, നിഭിഷ അജയൻ, വിവേക് ചാലക്കര, ഷെജിൻ കെ.ടി., സന്ദീപ് പുത്തലം തുടങ്ങിയ കോൺഗ്രസ് നേതാക്കളും പോഷകസംഘടന ഭാരവാഹികളും ചടങ്ങുകൾക്ക് നേതൃത്വം നൽകി.
