ഈസ്റ്റ് പള്ളൂർ: ആശ്രയ റസിഡൻസ് അസോസിയേഷന്റെ ആഭിമുഖ്യത്തിൽ ഓണാഘോഷവും ശ്രീനാരായണ ഗുരുദേവന്റെ 172-ാമത് ചതയദിനാഘോഷവും പ്രൗഢമായി സംഘടിപ്പിച്ചു. അസോസിയേഷൻ പ്രസിഡന്റ് ഒ.വി. വിനയന്റെ അധ്യക്ഷതയിൽ ചേർന്ന ചടങ്ങിൽ പരിസ്ഥിതി പ്രവർത്തകനും ശ്രീനാരായണീയനുമായ സി.വി. രാജൻ പെരിങ്ങാടി ഗുരുസന്ദേശം നൽകി. മനുഷ്യജാതി, സ്നേഹത്തിന്റെ മതം, പ്രപഞ്ചശക്തിയെന്ന ദൈവം എന്നീ ഗുരുദർശനങ്ങൾ ഉൾക്കൊണ്ട് ജാതിമതങ്ങൾക്കതീതമായി മാനവികത ഉയർത്തിപ്പിടിക്കണമെന്ന് അദ്ദേഹം ആഹ്വാനം ചെയ്തു.
ആശ്രയ രക്ഷാധികാരി വാസുദേവൻ ദേവദാനം, പി.കെ. സതീഷ് കുമാർ, പി.വി. അനിൽകുമാർ, കണ്ടോത്ത് രാജീവൻ, ഷൈജ വിജയൻ, എൻ.കെ. പത്മനാഭൻ, എം. വിജയൻ, രാജേഷ് കണ്ണോത്ത് എന്നിവർ ആശംസകൾ നേർന്നു. ആഘോഷത്തോടനുബന്ധിച്ച് നടന്ന વિવિધ മത്സരങ്ങളിലെ വിജയികൾക്കുള്ള സമ്മാനദാനം ക്ഷേത്ര പ്രസിഡന്റ് ടി.പി. ബാലൻ നിർവഹിച്ചു. ബിജിത്ത് കാട്ടിൽ, മനോജ് കുനിയിൽ, രജീഷ് ശ്രീലകം, ആർ.വി. പ്രേമൻ, കെ.പി. മനോഹരൻ, ടി.പി. രാജീവൻ എന്നിവർ പരിപാടികൾക്ക് നേതൃത്വം നൽകി. അസോസിയേഷൻ സെക്രട്ടറി ഷാജിഷ് സി.ടി.കെ സ്വാഗതവും ഷാജേഷ് ടി.പി. നന്ദിയും പറഞ്ഞു.
