ചൊക്ലി: വി.പി. ഓറിയന്റൽ ഹൈസ്കൂൾ പൂർവ വിദ്യാർത്ഥി കൂട്ടായ്മയായ 'മെഗാ അലുംനി'യുടെ നേതൃത്വത്തിൽ വൈവിധ്യമാർന്ന പരിപാടികളോടെ ഓണാഘോഷം സംഘടിപ്പിച്ചു. പരിപാടിയുടെ ഉദ്ഘാടനം റിട്ടയേർഡ് ഡി.ഡി.ഇ. ദിനേശൻ മഠത്തിൽ നിർവഹിച്ചു. പൂർവ വിദ്യാർത്ഥി ബന്ധങ്ങൾ നിലനിർത്തുന്നതിലും സ്കൂളിന്റെ വികസനത്തിൽ പങ്കാളികളാകുന്നതിലും ഇത്തരം കൂട്ടായ്മകൾ വഹിക്കുന്ന പങ്ക് വലുതാണെന്ന് അദ്ദേഹം പറഞ്ഞു.
ഓണാഘോഷത്തിന്റെ ഭാഗമായി പൂർവ വിദ്യാർത്ഥികളുടെയും കുടുംബാംഗങ്ങളുടെയും വിവിധ കലാപരിപാടികളും പരമ്പരാഗത ഓണക്കളികളും അരങ്ങേറി. തുടർന്ന് വിഭവസമൃദ്ധമായ ഓണസദ്യയും ഉണ്ടായിരുന്നു. സ്കൂൾ അധ്യാപകരും മെഗാ അലുംനി പ്രതിനിധികളും ചടങ്ങിൽ സംബന്ധിച്ചു.
