കരിയാട്: ഒളവിലം മൈല്യാട്ട് പൊയിൽ ശ്രീ മുത്തപ്പൻ മടപ്പുരയിൽ ഭക്തിപൂർവ്വം പുത്തരി വെള്ളാട്ടം നടന്നു. വൈകുന്നേരം 3.30ന് വെറ്റില കൈനീട്ടത്തോടെ ചടങ്ങുകൾ ആരംഭിച്ചു. തുടർന്ന് ഭഗവാനെ മലയിറക്കൽ ചടങ്ങും നടത്തി.
മുത്തപ്പൻ, ഗുളികൻ, ശാസ്തപ്പൻ, ഭദ്രകാളി, മണത്തണ ഭഗവതി എന്നിവരുടെ വെള്ളാട്ടങ്ങൾ ഭക്തിജനങ്ങൾ ആകാംക്ഷയോടെ കണ്ട് ആസ്വദിച്ചു. ചടങ്ങിൽ പങ്കെടുത്ത കുട്ടികൾക്ക് ചോറൂണ് ചടങ്ങ് നടത്തി. തുടർന്ന് പ്രസാദ ഊട്ടോടുകൂടി ആഘോഷങ്ങൾ സമാപിച്ചു.
