മയ്യഴി (മാഹി): മയ്യഴി റെയിൽവേ സ്റ്റേഷനെ ആധുനിക സൗകര്യങ്ങളോടെ രാജ്യാന്തര നിലവാരത്തിലേക്ക് ഉയർത്തണമെന്ന് പ്രദേശവാസികൾ ആവശ്യപ്പെടുന്നു.
സൗകര്യങ്ങളുടെ ദൗർലഭ്യത്താൽ ഏറെ യാത്രക്കാരെ പ്രതിസന്ധിയിലാക്കുന്ന ഈ സ്റ്റേഷൻ നവീകരിക്കണമെന്ന് സാമൂഹിക പ്രവർത്തകർ ഉൾപ്പെടെ നിരവധി പേർ മുന്നോട്ടുവയ്ക്കുന്ന ആവശ്യം കൂടിയാകുകയാണ്.
പ്രത്യേകിച്ച്, രണ്ടാം പ്ലാറ്റ്ഫോമിൽ ടിക്കറ്റ് കൗണ്ടർ സ്ഥാപിക്കണമെന്ന ആവശ്യമാണ് ശക്തമായി ഉയരുന്നത്. ബൈപാസ് വഴി സ്റ്റേഷനിൽ എത്തുന്നവർക്കും സമീപവാസികളായ അഴിയൂർ ഭാഗത്തെ ജനങ്ങൾക്കുമാണ് നിലവിൽ നിരവധി പ്രയാസങ്ങൾ നേരിടേണ്ടി വരുന്നത്.
നിലവിൽ ടിക്കറ്റ് കൌണ്ടർ ഒന്നാമത്തെ പ്ലാറ്റ്ഫോമിലുളളതിനാൽ, വേറെയിടങ്ങളിൽ നിന്ന് വരുന്നവർക്ക് അത് ലഭ്യമാകുന്നത് എളുപ്പമല്ല.
സ്റ്റേഷനിൽ നിന്ന് വലിയൊരു ഭാഗം യാത്ര ചെയ്യുന്നവരാണ് ബൈപാസ് വഴി വരുന്നവർ. അതിനാൽ രണ്ടാമത്തെ പ്ലാറ്റ്ഫോമിലും ടിക്കറ്റ് കൗണ്ടർ ഉണ്ടായിരിക്കണം, എന്നതാണ് അവരുടെ ആവശ്യം.
