മാഹി: മാഹി സി.ഇ. ഭരതൻ ഗവൺമെന്റ് ഹൈസ്കൂളിൽ സംഘടിപ്പിച്ച ഓണാഘോഷ പരിപാടികൾ വേറിട്ട കാഴ്ചയായി. അധ്യാപകരും വിദ്യാർത്ഥികളും രക്ഷിതാക്കളും ഒന്നടങ്കം പങ്കെടുത്ത ആഘോഷ പരിപാടികൾ വിപുലമായ രീതിയിലാണ് സ്കൂളിൽ ഒരുക്കിയത്.
വിദ്യാർത്ഥികളുടെയും അധ്യാപകരുടെയും നേതൃത്വത്തിൽ മനോഹരമായ പൂക്കളമൊരുക്കലും വിവിധ കലാപരിപാടികളും പരമ്പരാഗത ഓണക്കളികളും നടന്നു. ഓണസദ്യയും ആഘോഷങ്ങളുടെ ഭാഗമായി ഒരുക്കിയിരുന്നു. വിദ്യാലയത്തിൽ സന്തോഷത്തിന്റെയും സൗഹാർദ്ദത്തിന്റെയും അന്തരീക്ഷം സൃഷ്ടിച്ചാണ് ആഘോഷങ്ങൾ സമാപിച്ചത്.
