കട്ടപ്പന: ഇടുക്കി ഉപ്പുതറ ആലടിയിൽ അപകടത്തിൽപെട്ട വാഹനത്തിൽ ഭാര്യയെ ഉപേക്ഷിച്ച് ഭർത്താവ് രക്ഷപ്പെട്ടു. ആലടി സ്വദേശി സുരേഷാണ് ഭാര്യയെ ഉപേക്ഷിച്ച് രക്ഷപ്പെട്ടത്.
അപകടത്തിൽ ഗുരുതരമായി പരുക്കേറ്റ നവീനയെ കട്ടപ്പന താലൂക്ക് ആശുപത്രിയിൽ പ്രവേശിപ്പിച്ചു. പരുക്ക് ഗുരുതരമായതിനാൽ പിന്നീട് കോട്ടയം മെഡിക്കൽ കോളെജിലേക്ക് നവീനയെ മാറ്റി.
അപകടം മനപ്പൂർവം സൃഷ്ടിച്ചതാണെന്ന സംശ‍്യവും നിലനിൽക്കുന്നുണ്ട്. സംഭവത്തിൽ ഉപ്പുതറ പൊലീസ് അന്വേഷണം ആരംഭിച്ചു. രാവിലെ എട്ട് മണിയോടെയാണ് അപകടം ഉണ്ടായത്. കാർ തലകീഴായി മറിഞ്ഞനിലയിലായിരുന്നു.
