ജീവനക്കാരുടെ ആരോഗ്യകരമായ ജീവിതശൈലിക്ക് എന്നും ഊന്നൽ നൽകിയിട്ടുള്ള കോൺട്രാക്ക്റ്റിങ്ങ് പ്ലസ്, മയക്കുമരുന്നിനെതിരായുള്ള ബോധവത്കരണം സമൂഹത്തിലേക്ക് വ്യാപിപ്പിക്കാൻ ആഗ്രഹിക്കുന്നു, കായിക വിനോദത്തിലൂടെ അത് സാധ്യമാകുമെന്ന് പ്രതീക്ഷിക്കുന്നു.
യുവാക്കൾക്കിടയിൽ വർധിച്ചു വരുന്ന ലഹരി ഉപയോഗത്തിനെതിരായുള്ള ബോധവത്കരത്തിൻ്റെ ഭാഗമായി കോൺട്രാകറ്റിങ്ങ് പ്ലസ്സിന്റെ ആഭിമുഖ്യത്തിൽ മാഹി പ്രൊഫഷണൽസ് ലീഗ് 2025 - ക്രിക്കറ്റ് ടൂർണമെന്റ് , ഏപ്രിൽ 27, ഞായറാഴ്ച്ച, മാഹി കോളേജ് ഗ്രൗണ്ടിൽ വച്ച് നടത്തപ്പെടുന്നു. പുതുച്ചേരി മുൻ ആഭ്യന്തര വകുപ്പ് മന്ത്രി ഇ.വത്സരാജ് ഉദ്ഘാടനം നിർവഹിക്കുന്ന മത്സരത്തിൽ മാഹിയിലെ പ്രൊഫഷണൽ സ്ഥാപനങ്ങളായ കോണ്ട്രാക്റ്റിങ്ങ് പ്ലസ്സ് , മോർഗൻ മെക്കൻലി, മാഹി ഇൻസ്റ്റിറ്റ്യൂട്ട് ഓഫ് ഡെന്റൽ സയൻസ് ആൻഡ് ഹോസ്പിറ്റൽ, രാജീവ് ഗാന്ധി ആയുർവേദിക് മെഡിക്കൽ കോളേജ്, മാഹി കോ-ഓപ്പറേറ്റീവ് കോളേജ് ഓഫ് ടീച്ചർ എഡ്യൂക്കേഷൻ തുടങ്ങിയവർ പങ്കാളികളാവുന്നു.
മത്സരങ്ങൾക്ക് മുന്നോടിയായി, ഏപ്രിൽ 25ന്, വെള്ളിയാഴ്ച്ച, വൈകിട്ട് 5 മണിക്ക് നടക്കുന്ന ജേഴ്സി പ്രകാശനവും, യുവജന റാലിയുടെ ഫ്ലാഗ് ഓഫ് കർമ്മവും മാഹി സൂപ്പ്രണ്ട് ഓഫ് പോലീസ്, ജി. ശരവണൻ നിർവഹിക്കുന്നതായിരിക്കും.
പത്രസമ്മേളനത്തിൽ കോൺട്രാകറ്റിങ്ങ് പ്ലസ്സ് ഇന്ത്യയുടെ ഡയറക്ടർ വിനോദ് സുകുമാരൻ, കോർഡിനേറ്റർമാരായ മഹേഷ് പി, ഷഗിൽ കെ, പ്രജിത്ത് പി വി എന്നിവർ പങ്കെടുത്തു.
